KALIBO, Aklan—Sangka Aklanon ro naka-avail eon it COVID-19 vaccine sa England, United Kingdom.
Gin-aku mismo it COVID-19 survivor nga si Noemi Bagac Rutter, tubong Barangay Maloco, Ibajay, Aklan nga imaw hay nabakunahan eon kontra sa makamaeatay nga sakit.
Si Rutter hay 11 years eon nga nagatrabaho sa The James Cook University Hospital bilang health care assistant sa elderly care ward.
Suno pa kay Rutter, owa naging madali kana ro pagkaangkon it covid maskin pa nga owa raya it masakit.
Owa man sigon kara gin-ekspektar nga sa anang edad nga 46 hay makaangkon raya it komplikasyon bangud sa covid virus.
Maswerte man nasok-ean nana ro nasambitang sakit ag nakabalik eun sa anang trabaho.
Samtang, angot man sa bag-ong strain it covid-19 virus, ginpahayag ni Rutter nga 70 porsyento rayang madasig makatapo apang bukon it makamaeatay.
Gin-engganyo man kara ro publiko ag ro mga Aklanon nga magpabakuna bangud mas makahaeadlok ro pagkaangkon it covid-19.
