Eubus ro kalipay, paghilinugyaw ag pagpasaeamat it sangka Aklanon matapos nga napabahin ro anang pangaean sa mga nakapasa sa Physician Licensure Examination nga nagguwa ro resulta ko kan-o eamang.
Suno kay Dra. Hazel Geanne Teodosio, uwa pa naga-sink-in kana ro kamatuoran nga nakapasa imaw ag makaron hay sangka doktora eon nga ana mismong handom halin kat onga pa eamang raya.
Ginpahayag dugang nga mag-eowas sa anang kagustuhan hay mismong ro anang ama ro nagtueod kana nga padayunon ro anang handom nga maging doktora kon sa siin ginsuportahan man imaw it anang bilog nga pamilya.
Bukon it hangae suno kana ro anang inagyan sa pag-eskwela hasta sa pagbuoe it eksaminasyon.
Nakabulig sa anang kaugalingon ro disiplina sa pagtuon kon sa siin napaiway nana ro socialization mag-eowas eon lang sa mga importanteng event it andang pamilya.
Bangud kara, naging ganap eon imaw nga doktor sa edad nga 26 anyos.
Si Dra. Teodosio hay tubong banwa it Banga.
Nag-eskwela it elementarya sa Banga Elementary School; nagsekondarya sa Regional Science HighSchool for Region VI; nagkolehiyo sa University of the Philippines (UP) Visayas ag nag-eskwela it medisina sa West Visayas State University College of Medicine
