KALIBO, Aklan–Sa ika-ap-at nga kahigayunan hay natigayon nga maipasar it sangka Aklanon Sheriff ro Bar Exam.
Sa interbyu it bombo radyo, ginpahayag ni Atty. Cyril Francisco, isaeang ka sheriff sa Regional Trial Court sa banwa it Kalibo ag part time instructor sa Northwestern Visayan Colleges nga eubos ro anang kalipay matapos nga makapasar sa nasambitan nga eksaminasyon matapos ro tatlong beses nga kapaseawan.
Suno kana mga dag-on 2011 kat imaw hay nagtapos it pre Law sa UP Visayas sa siyudad it Iloilo ag nagtapos it Bachelor of Law sa Aklan Catholic College.
Sa makapilang beses sigon nana nga pagbo-oe it exam hay masami eun lang nga nagahabil-habil ro anang score agud nga makapasar.
Sa pihak kara, owa sigon imaw nadueaan it pageaum nga magpadayun sa gihapon sa pagbo-oe it bar exam hasta nga natigayon nga makapasar makarun nga batch it 2020-2021 examination.
Nasayuran nga sa makarun hay regionalized ag digitalized ro ginhimo nga Bar exam.
