KALIBO, Aklan—Eubus ro kalipay it sangka negosyanteng Aklanon matapos nga marekognisa ag nakataeana nga magbaton it ‘The Outstanding Filipino Awards’ (TOFA) bilang sambilog sa mga service volunteer awardee.
Suno kay Mr. Tamerlane Mopia, tubong banwa it Makato apang presenteng naga-istar sa Estados Unidos nga mabahoe nga bagay para kana ro nasambit nga award bangud nga nagapamatuod eamang raya nga may manami sanda nga hinimuan bangud nga narekognisa ro andang mga kawang gawa.
Angot kara, ro awarding ceremony hay igapatigayon sa Zipper Hall sa Los Angeles, California sa Oktobre 25 it presenteng dag-on.
Gin-istorya ni Mopia nga maabo man nga trabaho ro anang inagyan antes nga nakaabot sa anang presenteng sitwasyon sa haeos 14-anyos eon ro nagtaliwan.
Nauna eon nga nagpatigayon it medical mission ro anang grupo sa banwa it Makato kon sa siin ro pondo hay kaparte it kinita it gina-organisa nana nga concert sa nasambit nga nasyon.
Mag-eowas sa nasambit nga pagkilaea, hay nakabaton man it award si Mopia kaparehas it Gawad Amerika’s Outstanding Young Entrepreneur ko 2022 ag America Excellence Award 2023 para sa ‘Outstanding Medical Entrepreneur of the Year’.
