KALIBO, Aklan—Ginparecord sa Kalibo PNP ro sangka aksidente kon sa siin imbolbado ro daywang ka behikulo sa Brgy. Old Buswang, Kalibo.
Base sa report, samtang nagamaneho si Ava Jane Cruz, 38-anyos it anang tricycle hay nataeopangdan kara ro kasub-eang nga motorista nga naga-esi esi ro daeagan nga ginamaneho ni Edito Nadate, 57-anyos ag residente man it nasambit nga lugar.
Angot kara, kana nagdiretso ro motorsiklo ni Nadate bangud nga una raya sa idaeom ko impluwensya it aeak nga gintunaan it anang pagkatumba.
Insigida man nga gindaea sa aklan provincial hospital si Nadate apang matapos nga gin-eapatan it paunang medikasyon hay ginrefer man sa outpatient department it nasambit nga ospital.
Samtang, ninahan man nga gindaea sa nasambit nga ospital si Kim Rapiz, 28-anyos it Brgy. Dangcalan, Malinao matapos nga bumaeanta sa humps sa Brgy. New Buswang, Kalibo.
Si Rapiz hay una sa idaeom ko impluwensya it aeak kat matabo ro aksidente.
