KALIBO, Aklan–Ginsaysay ni Edgardo Aguelo, sangka kilaeang albularyo sa Aklan nga ro anang source it kabaskog agud nga makabueong it mga may sakit hay nagahalin sa Diyos.
Nag-umpisa suno kana ro anang pagbueong matapos nga mabanhaw pagkataliwan it tatlong adlaw nga imaw hay namatay.
Dikara hay nakita ag naka-istorya nana ro Diyos nga nagpahayag nga bukon pa nana it oras ag ginpabalik sa eugta bangud nga may misyon pa imaw nga dapat nga mataw-an it katumanan.
Mag-eowas kara, halin man imaw sa pamilya it manugbueong.
Apang aminado si Aguelo nga gintun-an nana ro pagpamueong it haeos tatlong dag-on, kun sa siin makaron hay ap-at hasta limang dag-on pa eamang imaw nga naga-practice it pagiging albularyo.
Kaeabanan nga online ro anang pamaagi it pagbueng pinaagi sa messenger , zoom ag iba pa apang nagapasugot man imaw it face to face nga consultation.
Ginabalibaran man sigon nana kon ro sakit it pasyente nga ginadaea kana hay nagakinahangean it medikal nga atensyon.
Si aguelo hay kilaea nga nagabueong it amulit, barang, sapi ag iba pa.
