Eubus ro kalipay it sangka Antiqueña matapos nga sambilog imaw sa mga naging rason sa pag-angkon it bueawan nga medalya it Philippine obstacle racing team kon sa siin na-sweep nanda raya sa relay events sa 32nd Southeast Asian ukon SEA Games sa Phnom Penh, Cambodia.
Suno kay Milky Mae Tejares, tubong Belison, Antique nga natapos nanda ro 12 obstacles sa mapig-od nga oras nga 33.73 seconds rason nga nakuhit nanda ro bueawan nga medalya para sa Pilipinas kontra sa Indonesia.
Kaibahan nana sa koponan sanday Sandi Menchi Abahan, Mecca Cortizano, ag Marites Nocyao.
Nadiskubre ni Tejares ro nasambit nga hampang ko 2018 kon sa siin gintaw-an nana raya it igateopangod hasta nga nakapasakop sa 31st edition it SEA Games nga ginpatigayon sa Pilipinas kon sa siin naging silver medalist imaw.
Si Tejares hay nauna eon nga nahilig sa sports climbing.
Ro koponan hay nakauli eon sa Pilipinas ag presente ro mga raya nga nagabakasyon para taw-an it pahuway ro andang kaugalingon halin sa prestihiyosong sporting events.
