KALIBO, Aklan—Sangka ap-at nga dag-on nga ungang babaye ro patay matapos nga maigpit ro anang ueo it natumbang tricycle nga andang ginasakyan sa national highway nga sakop it Brgy. Laguinbanua West, Numancia.
Suno kay Kian Joven Villanueva, 27-anyos, tiyo it biktima ag driver it tricycle nga samtang nagapaagto sa Numancia public market halin sa andang baeay sa nasambit nga lugar hay gulping nag stuck up ro preno sa prente it saeakyan rason nga bumalintong ag aksidenteng naigpit ro ueo it anang gumankon nga gintunaan it anang hinali nga kamatayon.
Grabeng kasamaran ro naangkon it unga sa anang ueo.
Ginpahayag dugang nga masyadong madasig ro insidente rason nga indi sanda makapati sa natabung trahedya.
Kaibahan it unga ro anang lola nga nakasakay sa side car nga magapanindahan kunta.
Sa makaron hay nagapadayun ro imbestigasyon it Numancia PNP sa insidente.
