KALIBO, Aklan–Patay eon kat maka-abot sa sangka ospital ro ap-at nga dag-on nga ungang eaeaki matapos nga mabagsakan it pader it sangka abandonadong building sa M. Laserna St. Kalibo, ko Sabado nga adlaw.
Ro biktima hay nakilaea eamang sa pangaean nga Niko ag residente it nasambit nga lugar.
Base sa report, samtang nagatiltil it kabilya sa pader ro 14 anyos nga magueang it biktima hay gulping bumagsak ro pader kun sa siin natimpahan ro anang manghud.
Owa sigon imaw nakasayod nga nagsueod sa kwarto it lumang bowling lane ro anang manghud ag natiempo nga nagtiltil imaw it kabilya agud nga ipangbakae it bugas.
Sanda eamang nga pitong magmaeanghud sa andang baeay kat matabu ro insidente.
Samtang, ginpahayag Philippine army reservist nga si eler reynado nga nagpangayo kana it bulig ro igmanghud it biktima, apang sa anang pag agto sa lugar hay nagatikha eon ro unga hasta nga ko ulihi hay owa eon raya it pulso.
Grabeng lastro ro naagum it unga sa tiyan nga portion nga posibleng tuga it impact it mabahoe nga pader nga bumagsak kana.
