-- ADVERTISEMENT --
KALIBO, Aklan–Sangka armas eon man ro napasaalima it pulisya matapos nga isurender it sangka residente maghalin sa Brgy. Manoc-Manoc sa isla it Boracay.
Raya hay sangka kalibre .38 nga revolver nga may daywang ka live ammunition.
Ro nasambit nga armas hay ginsurender sa miyembro it 2nd Aklan Police Mobile Force Company.
Raya nga tikang hay kasunod gihapon it nagapadayon nga kampanya it pulisya nga Oplan TKAL ukon Tokhang Kontra Armas Luthang sandig sa proyektong “Armas Islan Bugas” kon sa siin ro magasurender it mga illegal nga armas hay magabaton it sangka sako nga bugas nga kapin sa 25 kilos.
