KALIBO, AKLAN — Bangud sigon sa bukon it maayos nga playing venues, ap-at nga Aklanon athletes ro naninahan sa pagsabak sa naga padayun nga West Visayas Regional Athletic Association (WVRAA) 2017 sa probinsiya it Antique.
Apang, gin klaro ni Sports Consultant Mary Ann Lopez it Department of Education (Dep-Ed)-Aklan nga bukon man it malala ro naangkong kasamaran it mga atleta.
Sangka wushu player sigon ro padayun nga gina obserbahan makaron sa Intensive Care Unit (ICU) it sangka ospital sa Antique matapos nag aksidenteng natumba ag nabagok ro ueo sa semento.
Dinaea man sa ospital ro sangka futsal player kat makaangkon it ankle sprain injury samtang, ro sangka taekwondo player hay naubosan it hangin.
Sa pihak nga parte, ro gin bansagang barefoot runner ag gold medalist sa Palarong Pambansa nga si Angelica de Josef hay naninahan sa siki bangud sa mataeawis nga bato.
Gina reklamo it mga player ro mabatong track oval ag may mga puno pa sigon it indian mango sa tunga.
Nasayuran nga presenteng gina kay-ad ro rubberized track sa Binirayan Sports Complex bilang preparasyon it Antique sa nakataeanang pag-host kara it Palarong Pambansa sa pinakaunang kahigayunan sa buean it Abril.
