-- ADVERTISEMENT --
KALIBO, Aklan—Dismayado nga nagreklamo sa Kalibo Police Station ro sangka babaye matapos nga uwa eon naibalik kana ro ginpalimpyuhan nga relo sa watch repair shop nga nahamtang sa XIX Martyr’s St. Kalibo.
Ginkilaea ro tagreklamo nga si Nelia Wilson, 50-anyos ag residente it Brgy. New Buswang, Kalibo samtang ro tag-iya it shop hay ginkilaeang si Ferdinand Escalona, 50-anyos ag residente it Brgy. Bubog, Numancia.
Depensa sigon ni Escalona, posibleng naita-o nana raya sa iba kara nga customer rason nga inde eon makita ro military watch nga ginpalimpyuhan kato pang December 2, 2020.
Samtang, ro insidente hay ginpakamayad eon lang ni Wilson nga iparecord sa nasambit nga taeatapan it pulisya para sa nagakaigong disposisyon.
