KALIBO, Aklan–Sa kauna-unahan sa kasaysayan, magapungko sa Supreme Court it Amerika ro sangka babaye nga black justice sa nakataliwan nga 233-years.
Suno kay Bombo International Correspondent Pinoy Gonzales it Texas, USA nga raya hay matapos nga ginkumpirma it senado ro pagtaeana kay Justice Ketanji Brown Jackson nga maging miyembro it siyam nga huwis it korte suprema pinaagi sa boto nga 53 to 47.
Tatlong republicans suno kana ro nagpabor sa desisyon it democrats rason nga naangkon nana ro kadaeag-an.
Gindugang ni Gonzales nga ro appointment ni Jackson hay pagtuman sa promisa ni US President Joe Biden ko tiempo it kampanya nga magabutang it black woman sa korte.
Ro boeutuhan suno kana hay nasaksihan ni Vice-President Kamala Harris, ro kauna-unahan man nga black woman nga nagpungko sa nasambit nga pwesto.
Ro 51-anyos nga si Jackson hay magabueos sa pwesto kay Justice Stephen Breyer nga nagdesisyon nga maga-retiro sa Hunyo.
Ginpahayag pa ni Gonzales nga hasta nagakabuhi ukon lifetime ro pagserbisyo kara sa korte suprema mag-eowas kon may maeakutan nga eskandalo ukon maga-resign sa pwesto.
