KALIBO, Aklan—Nagapadayon ro imbestigasyon it Kalibo PNP kaangot sa panakawan nga nag-eontad sa sangka baeay sa Barangay Estancia, Kalibo, Aklan.
Una kara, nagreklamo sa Kalibo Police Station si Gemma Ambito, sa legal nga edad ag residente it nasambitang lugar matapos nga ginsueod it uwa makilaeang manakaw ro andang baeay.
May kaangtanan kara, natigayon nga nadaeasa it suspek ro mga alahas it pamilya nga nagabalor it kapin sa P80,000.
Ginpahayag dugang nga nabatyagan mat-a kara nga may nagsueod sa andang kwarto ag nagpang-ukay apang ginaeauman nga ana eon raya nga asawa.
Ulihi eon suno kana nataeopangdan nga ibang tawo ro nakasueod sa andang panimaeay ag nabitbit eon ro andang mga alahas nga nakatago.
Samtang, ginapatihan ni Ambito nga sa main door nag-agi ro suspek nga sakay it motorsiklo matapos nga nasub-eang raya it anang asawa.
