KALIBO, Aklan–Kaibahan sa mga nakapasa sa kauna-unahan nga Bar exam nga ginhimo nga digitally bangud sa COVID-19 pandemic hay ro sangka tumandok it Banga nga nagtuon it mayad agud nga maging sangka eubus nga abogado.
Sa pagguwa it resulta it sambilog sa pinakamabudlay nga eksaminasyon sa nasyon, owa nalikawan ni Atty. Earl Wences Joseph Niel nga maging emosyunal ag mapinasaeamaton sa anang mga ginikanan, manugturo ag sa iba pang mga tawo nga nakapalibot kana agud nga mapursige ro anang handum.
Gindumdum man nana ro mga gin-atubang nga kalisod ag mga sabeag sa kabuhi agud nga maging abogado eamang.
Nasayuran nga si Atty. Niel hay first time nga nagbo-oe it Bar exam ag insigidang nakapasar.
Matapos sigon nga maka-graduate sa kursong bachelor of science in political science sa West Visayas State University sa Iloilo City bilang sangka cum laude hay nagdere-deretso ro anang pagtuon it law sa Central Philippine University.
Kaibahan sa anang naging technique sa pag-review hay ro pag-focus kun sa siin maskin ro social media hay anang ginlikawan.
