BALITANG ESPESYAL – Sangka banwa sa Mexico ro nakalista it world record kun siin nakahimo sanda it pinakamabahoe nga keso nga hurmang bilog.
Ginkumpirma it records keeping organization nga Guinness World Records nga ro munisipalidad it Reyes Etla ro may buyot it world record title nga “World’s Largest String Cheese Ball”.
Raya hay matapos sanda nga makahimo it string cheese ball o mas kilaea sa tawag nga Oaxaca Cheese nga may bug-at nga 1,402.58 pounds o 636 kilograms.
Para mahimo ro nasambitan nga higanteng cheese ball, nagbulig ro local government it Reyes Etla ag Oaxaca state government.
Gintipon nanda ro tanan nga mga cheesemaker sa andang lugar ag naggamit sanda it 2,641 galon it gatas para mabilog ro pinakamabahoe nga bola it keso sa bilog nga kalibutan.
Suno sa mga raya, ginhimo nanda raya para pabaskugon ro culinary tourism sa andang lugar.
