Kalibo Aklan —– Ginpadumdum it batikang abogado sa aklan ro publiko eabi eon ro mga pamatan-on nga ipabilin nga buhi sa isip ro mga leksyon nga ginturo it 1986 Edsa People Power Revolution, ro unity, solidarity ag teamwork sa komunidad.
Suno kay Atty Plaridel Morania nga ro 1986 revolt ro nagtau it daean agud nga mawakasan ro diktadurya matapos nga mapatalsik sa pwesto si dating Pangueong Ferdinand Marcos.
Apang suno kay atty morania nga ro edsa revolusyon hay umpisa pa eamang ag kinahangean nga padayun nga ipakigsukoe ro tama ag depensahan ro hilway nga pagpangabuhi sa nasyon .
Samtang, ginpamilit pa ni Atty. Morania nga engkaso nga mataw-an it kahigayunan nga mareporma ro eleksyon sa nasyon, una kara nga igaduso ro paghimo nga krimen sa vote buying ukon pagbakae ag pagbaligya it boto .
Igaduso man sigon nana nga ro mga literate eamang ukon ro mga kaintigo nga magbasa ag magsueat ro pwedeng makaboto agud nga magatinguha ro iba pa nga mag-eskwela it mayad ag mapataas ro literacy rate sa nasyon ag dapat nga ro mga nagakandidato hay degree holder it anuman nga 4-year course agud nga eubusan kara nga maintindihan ro anang obligasyon bilang public official.
Tuyo kara nga mabatyagan ro matuod-tuod nga reporma sa nasyon.
Nagaeaum man imaw nga antes nga matapos ro termino ni pangueong Rodrigo duterte hay matuman kara ro anang promisa nga mawakasan ro problema sa droga ag korupsyon.
