Kalibo Aklan ——–Nagapanangison nga nagdangop sa Bombo Radyo Kalibo ro sangka Barangay Health Worker (BHW) sa Barangay Estancia Kalibo matapos nga ginhamabean nga “sira ulo” it anang kaibahan man sa trabaho.
Suno sa tagreklamo nga si Mrs. Gladys Samar Salvador ag residente it nasambitan nga lugar nga nagtuga kana it depression ro ginhimo kana ni Jonathan “Jing-Jing” Nepomuceno kung sa siin hay nag-abot pa sa puntong nag-attempt imaw nga mag-suicide.
Aminado man imaw sa anang resulta it medical kung sa siin hay naka-eskperyensiya raya it anxiety.
Nag-ugat ro problema kat nagpamalibad ro tagreklamo nga magpabakuna kontra COVID-19 bangud sa sigon hay maeain ro anang pamatyag ag indi pa makasarang ro anang eawas.
Sa tyempo ngato hay problemado man sigon imaw matapos nga namatay ro manak it anang asawa bangud sa sakit nga leptospirosis.
Bangud sa anang pagpamalibad nga mabakunahan hay ginbawaean imaw nga makasuod sa andang health center.
Mag-euwas kara, nakabatun man sigon imaw it death threat.
Samtang, ginakasubo man nana nga pati ro anang personal nga kabuhi hay ginahilabtan ni “Jing-Jing”.
Sa pihak nga parte, gin-ako man ni Nepomoceno nga nagdihon sanda it petisyon agud nga irekomenda si Salvador nga isaylo sa Barangay hall bangud sa misbehaviour.
Dugang pa kara nga makapilang beses rayang nagsueod sa duty nga tadtad it chickinene nga sa sigon hay makahueuya ag nakakasamad it andang reputasyon.//
