-- ADVERTISEMENT --
KALIBO, Aklan—Nagpanawagan si Punong Barangay Alex Dela Cruz it Brgy. Poblacion, New Washington sa anang mga kasimanwa nga makibulyog sa andang igapatigayun nga blood letting activity sa maabot nga adlaw it Biyernes, Disyembre 18, 2020.
Suno sa opisyal, kabulig nanda sa nasambitang aktibidad ro Philippine Red Cross ukon PRC-Aklan.
Tuyo sigon kara nga makatipon it dugo agud nga makabulig sa andang mga pumueoyo nga nagakinahang-ean it dugo eabi pa makaron nga nagapangatubang gihapon kita sa pandemya daea it COVID-19.
Ro aktibidad hay maga-umpisa sigon pasado alas-9 it agahon hasta alas-12 it udtro adlaw kung siin pagahiwaton raya sa Community Center it banwang New Washington.
