KALIBO, AKLAN— Arestado ro sangka 25 anyos nga bokalista it banda sa gin patigayun nga Anti-Illegal Drug Operations sa pagpanguna it Kalibo PNP Station.
Ro suspek hay gin kilaea kay Brynerr Castro ag residente it Brgy. Cerrudo,Banga.
Natigayun nga maaresto it mga otoridad ro suspek sa may bahin it Osmena Avenue, Kalibo kat naga salikaeom eon.
Nabo-oe sa anang possession ro sangka sachet it Hash nga Marijuana nga may market value nga 1,000 pesos.
Gina alegar it suspect nga naghinyu kana ro anang kakilaea nga magdaea it Marijuana rason nga nagdaea imaw agud i-tao kara.
Si Castro hay insigidang gin daea sa Kalibo PNP para sa naga kaigong disposisyon.
Sa makaron hay gina pahaum eon ro kasong iga pasaka kontra sa suspect bangud sa pag eabag kara sa RA 9165 ukon mas kilaea bilang Comprehensive Dangerous Drugs Act of 2002.
