Nagapangatubang sa reklamong pag-eabag sa Republic Act 9165 ukon Comprehensive Dangerous Drug Act of 2002 ro sangka drug pusher ag nagatrabaho bilang caretaker it sangka boarding house sa sitio lugotan, brgy. Manocmanoc sa isla it boracay.
Raya hay matapos nga maaresto sa ginpatigayon nga drug buy-bust operation kaina it aga-aga it mga katapo it Malay Municipal Police Station ro suspek nga si Aries Clar, 35-anyos, residente it Pontevedra, Capiz ag temporaryong naga-istar sa nasambit nga lugar.
Nagatrabaho raya bilang caretaker it ginapa-rentahan nga baeay it anang bilas.
Nakumpiska sa suspek ro sangka sachet it ginadudahan nga shabu nga nagabalor it 1,100 pesos nga buy-bust money.
Sa ginpatigayon nga body search, tatlo pang sachet it suspected shabu ro nabo-oe sa posesyon ag kontrol ni Clar sa pihak it pag-insister nga bukon it imaw ro nagapanag-iya sa mga narekober nga items.
Ginhangkat pa nana ro mga otoridad nga haum imaw nga magpaidaeum sa drug test.
