Nagapabilin gihapon sa bi-bi it baybayon nga sakop it Brgy. Polo, New Washington ro sangka cargo ship.
Suno kay Punong Barangay Ariel Relato, ginpahayag sigon it kapitan it barko nga uwa it samad ro andang makina kundi nabugto eamang ro andang angkla ag naeobong eon sanda sa baeas.
Inde pa sigon ro mga raya makahalin-halin pabalik it Batangas bangud nga maeain pa ro panyempo.
Angot kara, ginpasiguro it kapitan nga uwa raya it daea nga peligro sa mga residente nga naga-istar sa nasambit nga lugar.
Nauna eon nga ginpahayag it Philippine Coastguard Aklan nga ginahueat pa it andang kapitan nga magmanami ro tyempo bangud nga indi pa sanda maka-manuver tuga it mabaskog nga humbak.
Madumduman nga inabutan it mabaskog nga hangin ag baeod ro domestic vessel nga LCT Golden Bella nga may sakay nga 14 nga crew members sa kasagsagan it andang biyahe.
Halin ro cargo ship sa bahin it Cebu ag magapaadto kunta sa Batangas kat mabudlayan sanda sa pag-anchor rason nga inapok sanda sa bibi it baybayon it Brgy. Polo, New Washington.
