KALIBO, Aklan–Insigida nga naghueag ro US fighter jet matapos nga maispatan ro sangka Chinese surveillance balloon sa bahin it South Carolina coast.
Suno kay Bombo International Correspondent Greg Aguilar it California, USA nga ginakabaeak-an nga maging paeag raya sa seguridad it nasyon ag ginapatihan nga kaparte raya it paghana it Beijing nga magkolekta it intelligence sa sensitive American military sites.
Nasayuran nga regular nga natataw-an it update si US President Joe Biden sa suspected Chinese surveillance balloon kung siin nagapadayun ro pagtao it update it National Security Team.
Una eon nga ginpahayag it Pentagon nga ro nasambit nga suspected surveillance balloon hay posibleng imani-obra.
Una eon nga ginpamalibaran it China nga gianapag-iyahan nanda ro nasambit nga balloon ag ginpahayag nga raya hay halin eamang sa pribadong kumpanya.
