-- ADVERTISEMENT --
KALIBO, Aklan—Namatay samtang ginabueong sa Aklan provincial hospital ro sangka construction worker matapos nga makuryente sa anang trabaho sa Brgy. Tondog, Tangalan.
Ginkilaea ro biktima nga si Leny Teñoso, 57-anyos ag residente it Brgy. Poblacion sa nasambit nga banwa.
Base sa report, ginbuytan it biktima ro hollowblocks machine kon sa siin uwa kara nataeopangdan ro nakalaylay nga live wire rason agud nga imaw hay makuryente.
-- ADVERTISEMENT --
Insigidang gintabangan ro biktima it anang onga ag iba pang katrabaho it mga raya ag gindaea sa nasambit nga ospital apang makataliwan ro pilang oras it pagbueong hay gindeklara man it doktor nga ginbawian eon raya it hueam nga kinabuhi.
