Sangka couple halin sa Alberta ro nagdesisyon nga butangan it sangkaterbang palamuti ro andang baeay kun sa siin kaeabanan kara hay christmas tree nga nag abot sa kabilugan nga 133.
Tuyo it nasambit nga tikang nga makatipon it kwarta para sa local animal shelter.
Suno kanday Tom Kereluk ag Vince Jackman nga nakasanayan eon nanda ko una pa nga magbutang it mga puea nga usa sa andang baeay kaibahan ro mga Christmas trees ag ginbuksan ro andang pwertahan sa publiko may 15 anyos eon ro nagtaliwan.
Nag-umpisa sanda sa 15 nga decorated trees sa andang baeay ag makaron hay naga abot eon raya sa 133.
Suno sa couple nga ro numero it mga christmas trees hay nagadinugang kada dag-on kun sa siin ro pinakamataas hay naga abot sa 12 feet.
Ro pagpasugot sigon nanda nga mag tour sa andang baeay ro publiko hay nakatipon it kwarta para sa Central Alberta Humane Society.
Kaeabanan sa mga palamuti hay donasyon halin sa andang mga amigo , pamilya ag iba pang kakilaea.
Ro dag-unan nga event hay ginbansagan nga “Sofia Celebrates Christmas” may limang dag-on eon ro nagtaliwan matapos nga ro andang palangga nga ayam nga Chihuahua nga nagahingaean kay Sophia hay namatay matapos ro pilang dag-on nga pag antus sa health complications.
