Gintinguhaan it barangay officials it Jawili, Tangalan kaibahan ro bantay dagat nga maibalik sa eawod ro dolphin nga napadpad sa andang baybayon.
Suno kay Jawili Punong Brgy. James Tumbagahan, nakit-an ro dolphin sa bibi it baybayon nga may mga nina rason nga insigida nanda raya nga ginsapupo.
Ginatantya nga kapin sa tatlong metro ro kahabaon ag nagabug-at it masobra sa 150 kilos.
Ro nadagsa nga dolphin hay ginapatihan nga naghalin sa mga kaeapit nga isla kon siin ro anang nina nga naangkon sa ueo, tiyan ag ikog hay posibleng agi it lambat nga gintunaan man it anang paghina.
Sinpahayag dugang ni Tumbagahan nga ginkabuligan eon lang nanda raya nga maibalik sa eawod kon siin ko ulihi nataeopangdan nga insigida man raya nga nagpagsik kat una eon sa madaeom nga parte it dagat.
