-- ADVERTISEMENT --
KALIBO, Aklan—Temporaryong nakakulong sa Makato Police Station ro sangka eaeaki matapos nga gindugkae it kahoy ro anang kasimaryo sa Brgy. Castillo, Makato.
Ginkilaea ro biktimang si Ronnie Talimay, 54-anyos samtang ro suspek hay ginkilaeang si Jerome Dado, 22-anyos ag parehong residente it nasambit nga lugar.
Base sa inisyal nga imbestigasyon it Makato PNP, samtang nagapauli si Talimay sa andang panimaeay hay ginsundan sigon raya it suspek nga una sa idaeom ko impluwensya it aeak ag gulping gindugkae it kahoy sa tiyan.
Angot kara, nakaangkon it kasakitan ag gaob sa tiyan ro biktima rason nga insigida man nga nagreport sa taeatapan it pulisya nga nagresulta sa pagkaaresto sa nasambit nga suspek para sa nagakaigong disposisyon.
