-- ADVERTISEMENT --
KALIBO, Aklan—Magapangatubang sa kasong pag-eabag sa Republic Act 10591 ukon Illegal Possession of Firearms and Ammunition ro sangka eaeaki matapos nga madakpan it armas bandang alas-11:00 it gabie sa Brgy. Rosario Malinao.
Ginkilaea it Malinao PNP ro suspek nga si Norberto Renato, 38- anyos ag residente it Brgy. Navitas sa nasambit nga banwa.
Base sa report, narekober kay Renado ro sangka 9MM nga klase it baril nga may sangka magazine ag loaded it pito tanan ka bala.
Nadakpan si Renado samtang nagapatigayon it mobile patrol ro pulisya sa pagpatuman it naga-iral nga curfew sa nasambit nga banwa.
Sa makaron si Renado hay nakahunong sa locked up cell it Malinao Police Station para sa nagakaigong disposisyon.
-- ADVERTISEMENT --
