-- ADVERTISEMENT --
KALIBO, Aklan—Bangud sa uwa it maipakitang dokumentong permit to transport, gin-aprehend it pulisya ro driver it tapdown tricycle nga may kargang kahoy sa Brgy. Rigador, Ibajay.
Ginkilaea raya kay Allan Antaran Morales, 41-anyos ag residente it nasambit nga lugar.
Narekober it pulisya ro 17 bilog nga alboria nga klase it kahoy kamana man tatlong bilog nga mahogany.
Suno sa Ibajay PNP, ro nasambit nga mga kahoy hay ginagamit sa furniture apang kueang ro dokumento kara nga ginpakita sa mga otoridad kat imaw hay ginparahan.
Ro nasambit nga driver hay presenteng una eon sa kustudiya it Ibajay PNP para sa nagakaigong disposisyon.
-- ADVERTISEMENT --
