KALIBO, Aklan—Magapangatubang sa nagakaigo nga kaso ro sangka eaeaki matapos nga madakpan sa ginpatigayon nga buy-bust operation it Makato Municipal Police Station mga bandang alas-7:00 it gabie.
Suno kay PLt. Merriefin L. Carisusa, OIC chief of Police it Makato PNP nga mabuhay eun nanda nga ginamanmanan ro pagkaeakot sa baealigyaan it mga baril it suspek nga ginkilaea kay Rodel Temporaza, 26-anyos ag residente it Brgy. Tibiawan, Makato.
Narekober sa posisyon it suspek ro sangka 12 gauge home made shotgun ag tatlong ka mga bala kabaylo it kapin sa P11,000 nga buy-bust money.
Sa makarun hay una eon sa kustudiya Makato Police Station ro nasambitan nga suspek para sa nagakaigo nga disposisyon kamana man posible pang magapangatubang sa kasong pag-eabag sa Comelec gun ban.
