KALIBO, Aklan—Magapangatubang sa kasong pag-eabag sa Republic Act 10591 ukon Comprehensive Firearms and Ammunition Act ag Republic Act 9165 ukon Comprehensive Dangerous Drugs Act of 2002 ro sangka eaeaki matapos nga maboe-an it armas ag illegal nga droga sa ginkasa nga drug buy-bust operation it pulisya sa isla it Boracay.
Ginkilaea it Malay Municipal Police Station ro suspek nga si Jose Perez, 30-anyos ag residente it Brgy. Caticlan it nasambit nga banwa.
Narekober sa anang posisyon ag kontrol ro sangka unit it 12-guage pistol ag 2 bala kabaylo it P10, 000 nga buybust money.
Samtang, sa ginpatigayon nga body search sa suspek, narekober dugang ro limang ka sachets it suspected shabu.
Si Perez hay nakataeana nga iga-inquest sa prosecutor’s office bangud sa nasambit nga mga kaso.
