KALIBO, Aklan—Nagahinoesoe sigon ro suspek nga si Ronald Resulta sa ginhimo nga pagpatay sa anang magueang nga si Elderberto Resulta matapos ro mainitan nga diskusyon sa Sitio Mapait, Barangay Aranas, Balete.
Suno kana nga medyu naimpito imaw matapos nga owa nagapundo ro anang magueang ag ro anang asawa sa pag-inaway sa katung-anan it anang inuman rason nga nabuno nana raya sa anang dughan.
Masyado suno kana nga masangag ro asawa it anang magueang eabi eon kon sanda hay naga-inuman rason nga anang ginka-irita.
Aminado man ro suspek nga nakonsensiya man imaw sa anang gin-obra, apang indi eon sigon nana maibalik ro kabuhi it anang igmanghud rason nga ro mahimo eon lang nana makaron hay ro magpangayo it kapatawaran.
Nasayuran nga ro suspek hay may asawa apang mabuhay eon sanda nga bueag.
