KALIBO, Aklan—Sangka eaeaki sa gihapon ro magadumaea sa Pilipinas kasunod ni Pangueong Rodrigo Duterte.
Raya hay base sa prediksyon it sangka kilaeang Psychic sa Aklan nga si Madam Elsa Macoy.
Suno kana nga eaeaki ro magiging masunod nga Pangueo, samtang posibleng makaeusot ro babaye nga anang magiging Bise Presidente kon magiging maayos ro daeagan ag indi madaya ro eleksyon.
Samtang, sa probinsiya it Aklan, mga bag-ong itsura sigon ro magadaog , apang may mga datihan man nga politiko ro magamadinaeag-on.
Sa pihak nga parte, magapabilin suno kana makaron nga 2022 ro makataeapon nga COVID-19 ag maabu pa nga mga variants kara ro magatuhaw.
Apang sa mayad nga swerte suno kana ag dere-deretso ro ginapatigayon sa bilog nga nasyon rason nga mapahagan-hagan ro epekto kara.
Ginlaygay pa nana nga alagaan ro ikamayad nga eawas pinaagi sa pagkaon it mga masustansiyang pagkaon ag likawan ro mga bisyo.
