KALIBO, Aklan—Sangka eaeaki ro nagdangop sa Makato Police Station matapos nga ginasugid nga inangkit sigon it anang dating live-in partner ro anang bayag ukon easog.
Base sa report, ro tagreklamo hay sangka tricycle driver sa banwa it Makato.
Una kara, gin-adtunan sigon imaw it anang dating karelasyon sa baeay nga anang gindayunan kon sa siin nakaangkon it komprontasyon sa tunga nandang daywa bangud sa natabo sa andang relasyon.
Ginsabat sigon it biktima ro babaye ag dikara uminit ro anang ueo ag ginbunggo sa pader ro anang ueo.
Mag-eowas kara, inubahan sigon imaw it babaye ag gin-angkit ro anang bayag ukon easog nga nagresulta sa pagdinugo kara.
May kaangtanan kara, nalipong sigon ro eaeaki ag kat naumpawan hay insigida imaw nga nagdangop sa taeatapan it pulisya.
Apang, ro kaso hay ginrefer sa natungdan nga barangay justice para sa nagakaigong disposisyon.
