Kalibo Aklan———Nag-angkon it kahalitan sa nagkaeain-eain nga parte it eawas ro sangka eaeaki matapos nga ginbakoe it mismong igkampod takna alas 10:00 kabi-i sa Brgy. Poblacion, Makato.
Ginkilaea ro biktima kay Marlon Nama, 32-anyos samtang ro suspek mat-a ag misong igkampod kara hay nakilaea kay Jay-R Carpio, 25-anyos, parehong tumandok it Brgy. Medina, Madalag ag nagatrabaho sa sangka junk shop sa nasambitang lugar.
Base sa report, matapos sigon nanda nga mag-inuman hay may nagpatunga nga sangka diskusyon sa magtimbang nga parte angot sa andang trabaho hasta sa nag-abot sa punto nga ginbakoe it suspek ro biktima.
Bangud sa sobrang kahilungon hay owa eon nahimo pang makabaeos it biktima.
Samtang, gilayon man sandang gin-awat it andang mga katrabaho.
Sa makarun hay padayun pang naka-confine sa sangka pribadong ospital sa banwa it Kalibo ro biktima samtang temporaryo mat-a nga nakakulong sa Makato Police Station si Carpio para sa nagakaigo nga disposisyon.
