Kalibo Aklan ——Ginkabuligan nga bakueon it kaparehong detainee sa locked-up cell it Kalibo Police Station ro sangka eaeaki bandang alas 12:53 kainang aga-aga.
Base sa report, una sa idaeom it makahieilong nga ilimnon ro biktimang si Jerome Tolentino, 37-anyos, residente it Brgy. Andagao, Kalibo.
Samtang, nakilaea mat-a ro mga nagbakoe kana ag kapareho karang detainee nga sanday Alfred Inan ag John Rey Ismeralda, sa legal nga mga edad ag parehong residente it Brgy. Bakhaw Sur, Kalibo.
Ginapabutyag nga unang ginsipa ni Ismeralda ro biktima kung siin ginpasundan raya it pagbayo ag pila pang pagpanakit ni Inan.
Si Tolentino hay gin-aresto it mga otoridad bangud sa reklamong alarm and scandal.
Samtang, sanday Inan ag Ismeralda mat-a hay gindakop matapos magbayolar sa ginapatuman nga COVID-19 curfew hour.
Angot kara, kasong physical injury ag disobedient upon an agent in authority ro posibleng pangatubangon it mga nasambitang persona kasunod it insidente.
