Sangka eaeaki ro natigayon nga mabun-an sa sangka madaueom nga eskinita maeapit sa sangka pribadong ospital sa may bahin it Purok 6 C.Laserna St. Brgy. Poblacion,Kalibo bandang alas-4 kaina it agahon.
Ginkilaea ro biktima kay Joshua Delgado ag residente it nasambit nga lugar.
Sandig sa inisyal nga imbestigasyon it Kalibo Municipal Police Station nag inuman pa ro biktima ag suspek nga ginasugid nga residente it Libacao,Aklan.
Gina-alegar nga nakaangkon it mainit nga argumento sa tunga it magtimbang nga parte rason nga nag-eontad ro pagpangbuno sa biktima.
Insigidang gindaea sa nasambit nga pribadong ospital ro biktima matapos nga makaangkon it lastro sa may tiyan nga porsyon it anang kaeawasan.
Samtang , nagapadayon man ro ginapatigayon nga man hunt operation it Kalibo-PNP sa suspek matapos nga insigidang nagpaeagyiw matapos nahimo ro nasambit nga krimen.
