KALIBO, Aklan—Patay ro sangka eaeaki matapos nga ginbuno it kaugalingong igmanghod bandang alas-6:00 kabie sa Brgy. Tambuan, Malinao.
Ginkilaea ni PSMSgt. Josefino Baldomero it Malinao Police Station ro biktima nga si Carlo Igtas Albacino, 26-anyos matapos nga nakaangkon it fatal nga lastro sa nagkaeain-eain nga kaeawasan kasunod it pagbuno kana it makapilang beses gamit ro sangka siyaw it ginatumod nga suspek nga si Jhon Bryan Albacino, 36-anyos ag parehong residente it nasambit nga lugar.
Sa inisyal nga imbestigasyon it pulisya, samtang naga-inuman ro daywa kaibahan ro andang mga barkada hay may natabo nga diskusyon sa magmanghod hasta nga umabot sa puno nga nabun-an it magueang ro anang manghod.
Si Albacino nakataeanang magapangatubang sa kasong homicide ag una eon raya sa kustudiya it Malinao PNP para sa nagakaigong disposisyon.
