KALIBO, Aklan—Namatay samtang ginabueong sa Aklan Provincial Hospital ro sangka eaeaki matapos nga ginbuno it anda mismong kasimaryo kabi-i sa Brgy. Tabayon, Banga.
Unang ginrespondehan it mga katapo it MDRRMO ro biktima nga si JR Concepcion, 35 anyos ag residente it nasambit nga lugar matapos nga makaangkon it lastro sa tiyan.
Samtang, padayun nga ginabueong sa nasambit nga ospital si Valentino Dionisio, 54-anyos nga nakaangkon mat-a it lastro sa anang waea nga butkon matapos sanda nga ginbuno gamit ro siyaw-duko it anang igkampod ag suspek nga si Rafael Dionisio, 57 anyos ag tumandok man it nasambit nga lugar.
Base sa inisyal nga imbestigasyon it banga municipal police station, ginpahayag ni P/SSgt. Elmar Relente nakaangkon it banggi-anay sa tunga nanday JR ag Rafael kung siin nadaeahig eamang si Valentino matapos kara nga magpatunga.
Ro insidente hay padayun pang gina-imbestigahan it Banga PNP.
