KALIBO, Aklan—Sangka eaeaki man ro ginreklamo sa Boracay PNP matapos nga nagpamayo nga uwa it karason-rason bandang ala-1:00 it aga-aga sa Sitio Bantod, Brgy. Manoc-manoc sa isla it Boracayy.
Ginkilaea ro ginareklamong suspek nga si Neilfred Hibaya, 25-anyos, tumandok it Gensan, Marinduque apang presenteng naga-istar sa nasambit nga lugar samtang ro tagreklamo hay ginkilaeang si Jaymar Lumbo, 22-anyos ag residente man it nasambit nga lugar.
Base sa report, gulpi eamang sigon imaw nga ginbayo it suspek sa uwa pa matumod nga rason.
Bangud kara, insigidang gin-usoy it mga otoridad ro suspek ag gilayon man nga nadakpan.
Si Hibaya hay posibleng magapangatubang sa kasong physical injury matapos nga natamaan sa dughan si Lumbo.
Ginasugid nga una sa idaeom ko impluwensya it aeak ro suspek kat matabo ro insidente.
