Kalibo Aklan ——-Magapangatubang sa kasong pag-eabag sa Republic Act (RA) 10591 ro sangka eaeaki matapos nga mabue-an it baril kasunod it pag-iskandalo sa Sitio Cagban, Brgy. Manoc-manoc sa Isla it Boracay.
Base sa imbestigayon it pulisya, pasado alas 5:20 kahapon sanda nakabaton it imporasyon angot sa nagakatabo nga kinagamo sa lugar.
Sa pagresponde it mga otoridad andang naaktuhan ro pag-minaoy it suspek nga nakilaea kay Pampelo Custodio, 40-anyos, residente it nasambitang lugar.
Samtang naga-maoy ro suspek hay napan-uhan it mga kapulisan nga may naga-uebo nga sangka baril sa hawak kara.
Sa pagrekisa it mga otoridad na-recover sa posisyon ag kontrol ni Custodio ro caliber 38 nga baril kung sa siin loaded raya it an-um ka mga bala.
Sa makarun hay nakakulong eon sa Malay Police Station si Custodio ag posibleng iga-inquest makarun nga adlaw para sa nagakaigo nga disposisyon.
