Kalibo Aklan ——-Magapangatubang sa kasong pag-eabag sa Republic Act 10591 ro sangka eaeaki matapos nga madakpan it baril sa Brgy. Andagao, Kalibo.
Ginkilaea ro suspek kay Sammy Galupe, 44-anyos, residente it Sitio Ilawod, Brgy. Nalook sa nasambitang banwa.
Base sa report, naaktuhan it mga kapulisan nga buyot it suspek ro sangka caliber 45 pistol nga may pito ka mga bala ag sambilog dugang nga magazine nga may sueod nga lima ka mga bala nga nakabutang sa anang hawak samtang imaw hay naga-inom kahapon.
Natueopangdan nga masami nga nagapaeupok it baril ro suspek eabi eon kung una raya sa idaeom it makahieilong nga ilimnon.
Samtang, gin-aku man it suspek nga ginapanag-iyahan kara ro nasambitang baril.
Si Galupe hay insigidang gin-aresto it mga otoridad kung sa siin presente rayang nakakulong sa Kalibo Police Station para sa nagakaigo nga disposisyon.
