BURUANGA, Aklan—Una eon sa kustudiya it Buruanga Municipal Police Station ro sangka eaeaki ag posibleng magapangatubang sa kasong pag-eabag sa RA 10591 ukon Comprehensive Law on Firearms and Ammunition Regulation Act matapos nga maboe-an it baril ag bala sa paghaeoghog it mga awtorid sa andang panimaeay sa Brgy. Katipunan, Buruanga.
Ginkilaea ni P/Capt. Larry John Vidal, officer-in-charge it Buruanga PNP Station ro suspek nga si alyas Marlon, sa legal nga edad ag residente it nasambit nga lugar.
Suno kana, mabuhay eon nga ginasurveillance ro suspek hasta sa may ginpaguwa nga search warrant ro korte nga pirmado ni Hon. Montalid P. Patnubay Jr., Executive Judge, Regional Trial Court, 6th Judicial Region, Kalibo, Aklan.
Ginpahayag dugang ni P/Capt. Vidal nga ginpangunahan ro operasyon ni P/Maj. Jerome Manahan it Police Intelligence Unit (PIU)-Aklan ag Buruang PNP kon sa siin madinaeag-on nga narekober ro sangka caliber 45 pistol nga baril, 7 bala, sangka magazine, holster ag black belt bag.
Sa pihak kara, ginpasiguro ni P/Capt. Vidal nga padayon sanda nga magasunod sa mandato nga andang ginsumpaan agud nga magapabilin nga eowas ag malinong ro komunidad.
