Confined sa Provincial Hospital ro sangka 35-anyos nga eaeaki matapos nga mabun-an kabi-e sa may peryahan sa bahin it Toting Reyes St. sa banwa it Kalibo.
Nakilaea ro biktima kay Mark Joseph Ronase, residente it brgy. Mobo, Kalibo,Aklan.
Suno sa inisyal nga imbestigasyon it Kalibo-PNP nga indi pa sa makaron matumod kung sin-o gid ro suspek sa nasambit nga insidente.
Apang sandig sa mga nakasaksi nga sambilog sa mga tawohan it nasambit nga peryahan ro nagbuno sa biktima.
Igapaidaeom man sa mas madaeom nga imbestigasyon it Kalibo-PNP ro nasambit nga insidente para matumod ro suspek sa likod it pag pangbuno.
Sa makaron, nagapabilin nga naga pamayad ro biktima matapos nga maka-angkon it tama it pagbuno sa may waea karang kilid ag magapaidaeom sa operasyon.
