-- ADVERTISEMENT --
KALIBO, Aklan—Kulong ro sangka eaeaki matapos nga mag-eabag sa curfew ag nadakpan pa it mataeum nga hinganiban sa Brgy. Rosario, Malinao.
Nakilaea ro suspek nga si Heiko Rose, 27 anyos, sangka laborer ag residente it Brgy. Bulabod, Malinao.
Sa report it Malinao PNP, samtang nagapatigayon sanda it pagpatrolya bandang alas-10 kabi-i hay nakasubeang nanda ro suspek nga nagatikang ag halata nga sa impluwensiya it makahieilong nga aeak.
Ginpaeapitan nanda raya ginkapkapan rason nga nabo-oe ro sangka kutsilyo nga nakasukbit sa anang hawak.
Mag-eowas sa multang pag-eabag sa curfew hay nagapangatubang pa raya sa kasong pag-eabag sa Batas Pambansa Numero 6.
-- ADVERTISEMENT --
