KALIBO, Aklan—Owa eon it kabuhi kat nasapwan ro sangka eaeaki matapos nga nagbiti-patay sa sangka barangay sa banwa it Balete.
Suno kay Pssgt Jury Junio it Balete Police Station nga ro biktima hay sangka college student.
Base sa inisyal nga imbestigasyon it pulisya nga napan-uhan eon lang it anang pamilya ro biktima nga nakabitay sa sueod it anang kwarto gamit ro sangka extension wire.
Sa makaron hay padayun pang gina-imbestigahan it Balete PNP ro andang nakita sa cellphone it biktima nga posibleng rason it anang pag-utas sa kaugalingon nga kabuhi.
Samtang, kumbinsido man sigon ro pamilya kara nga owa it foul play nga natabo sa insidente.
Sa pihak kara, kon may problema ka nga ginaangkon ag gusto mo it kaistorya, pwede kang magtawag sa National Center for Mental Health Crisis Hotline (NCMH-USAP) sa numero nga 0917-899-USAP (8727) ukon sa 7-989-USAP (8727) kamana man sa Hopeline PH 24/7 hotline numbers nga 0917-558-4673; 0918-873-4673 ukon 2919.
