Kalibo Aklan ——–Naka-hospital arrest sa Aklan Provincial Hospital ro sangka eaeaki matapos nga maimbolbar sa away sa tunga it anang kaugalingon nga bayaw sa C. Quimpo St. Brgy. Poblacion, Kalibo.
Ginkilaea ro suspect nga si Edgar Ureta kon sa siin nalastruhan imaw sa hita matapos nga imaw ro naninahan sa sanduko nga ginhana nga i-eabo sa anang kaugalingon nga baway nga si Rustico Meñez.
Suno kay Meñez, magkaibahan sanda sa baeay ni Ureta kon sa siin ginaaway sigon kara ro anang asawa.
Apang, ginpabay-an sigon eamang sigon ni Meñez bangud nga ayaw it mag-asawa.
Ginpahayag dugang nga mismong si Ureta ro nagsuod kana hasta nga nakaangkon it mainitang diskusyon sa tunga nandang daywa hasta nga ginhana imaw nga eab-on ni Ureta apang madinaeag-on nana raya nga nasagang.
Sa makaron si Meñez hay presenteng nakahunong sa locked up cell it Kalibo Police Station samtang si Ureta hay padayon pang ginabueong sa nasambit nga ospital.
