BALITA Espesyal–Sangka pamilya nga nagpatigayon it general cleaning sa andang baeay sa Los Angeles ro nakakita it pilang bag nga may sueod nga sang milyon nga puro sinsilyuhon.
Suno kay John Reyes nga samtang nagalimpyo sanda sa baeay it anang father-in-law kat madiskubrehan nanda ro sangkaterbang coins.
Nasayuran nga ro naka-bag pa nga mga sinsilyo hay owa nabuksan ag selyado halin sa banko.
Bangud kara, nagdesisyon ro pamilya nga magpangayo it laygay halin sa mga eksperto ag pilang coin collectors angot sa pilang mga pangutana.
Natukiban nga ro mga coins hay haeos 40 anyos eon roe dad.
Ginatumod nanda makaron kon ro mga nakit-an nga mga sinsilyo hay himo sa copper, apang maabu ro nagahambae nga raya hay zinc nga ginbaylo nga sangkap it United States sa pag obra it andang mga coins ko 1980’s.
Ginlista ni Reyes ro mga coins sa OfferUp, sangka resale website, sa balor nga $25,000.
Suno kana nga ro gina demand nanda nga kantidad hay base sa uniqueness it kwarta
