KALIBO, AKLAN — Sangka bangkay it eaeaki ro nakit-an nga naga eutaw-eutaw sa pang-pang it suba partikular eon sa Brgy. Mina, Lezo.
Base sa report, nakit-an ro biktima alas-8:00 kaina it agahon.
Sa pagchekyar it mga katapo it SOCO-Aklan ag Lezo PNP, may nakita nga igu it pagbuno sa magkaeain-eain nga parte it eawas it biktima nga naga kueob kat makita.
Naka camouflage raya it saewae, naka jacket it green nga puti ro butkon ag nakasuksok it t-shirt nga blue ro kolor.
Gin describe ro biktima nga dark complexion kamana man nga maniwang, mga 5’1” ro kataason ag medyo mahaba ro anang buhok ag may tatlong ka mga tattoo nga star sa leog ag may pangaeang Harvey.
Suno kay Police Chief Inspector Ulysses Ortiz, hepe it SOCO-Aklan nga sa makaron hay indi pa matumod ro identification it biktima.
Gin kumpirma man sigon it mga residente nga bukon it taga-Brgy. Mina ro biktima ag posibling gin dagsa eamang sa andang lugar bangud sa owa man sigon it napabalita nga missing person sa nasambitan nga barangay.
Gina panan-aw man nga ro biktima hay naga pang idaron it 30 anyos pataas.
Sa makaron hay padayun pang gina tumod it kapulisan ro pangaean it biktima kamana man ro motibo it pagpatay kara ag pagpaanod sa suba.
