KALIBO, Aklan—Nasapwan nga uwa eon it kabuhi ro sangka eaeaki sa kilid it daean sa medyo ma-banglid nga porsyon sa Sitio Binitinan, Brgy. Oquendo, Balete, Aklan.
Ginkilaea ni Police Staff Sargent Jameo Mondia it Balete PNP ro biktimang si Renato De Manuel, sa legal nga edad ag residente it nasambitang lugar.
Sa pag-usisa it pulisya nakit-an nga may lastro raya sa tuo nga uyahon ag waea nga butkon nga tuga it paghan-os kana it butong it mga ginatumod nga suspek nga sanday Ruperto Modesto, 52- anyos ag Jinky Agudez, sa legal nga edad ag parehong residente it Sitio Hae-o sa nasambitang barangay.
May kaangtanan kara, gilayon sandang nag-imbestiga sa lugar kon sa siin ro andang testigo hay positibo nga ginkilaea ro mga suspek nga sanda ro responsable sa nasambitang krimen.
Ginpahayag dugang nga nakaangkon it mainitan nga diskusyon sa tunga it tatlo antes ro pagpatay sa biktima.
Ko ulihi suno kana hay nag-ako si Modesto nga sanda ro may kahimuan sa insidente bangud nga naimpito sigon raya sa mga masakit nga tinaga nga ginabuhian it biktima.
Narekober it Scene of the Crime Operatives (SOCO)-Aklan sa lugar it insidente ro sangka butong nga may nakasukbit nga hinangiban apang ginapanag-iyahan sigon raya it biktima ag uwa eon nakit-an pa ro butong nga ginhan-os kana.
Sa makaron ro daywa hay una sa kustudiya it Balete PNP ag magapangatubang sa kasong murder.
Samtang sa pihak nga parte, ginapadumdom ni PSSgt. Mondia ro publiko nga inde pag-ibutang sa alima ro hustiya bangud nga may laye nga ginasunod.// suno kana, kon may mga uwa nailaan sa isigkatawo hay pwede raya nga ireport sa barangay ukon sa taeatapan it pulisya agud nga insigidang maaksyunan.
